• లాగ్ ఇన్
  • |
  • నమోదు చేయు
ఆరోగ్యం మరియు వెల్నెస్ ఫుడ్ అండ్ న్యూట్రిషన్

రాబోయే వర్షాకాలంలో ఇమ్యూనిటీని పెంచే సింపుల్ చిట్కాలు!

Ch Swarnalatha
గర్భధారణ

Ch Swarnalatha సృష్టికర్త
నవీకరించబడిన May 30, 2022

ఎప్పటి లాగానే భారత్‌లో ఈ వేసవికాలం అత్యధిక  ఉష్ణోగ్రతలు నమోదయ్యాయి. ఐతే,  నైరుతి రుతుపవనాలు, సాధారణ సమయం కంటేకొద్ది రోజులు ముందుగానే  ప్రవేసించడంతో  త్వరలోనే వర్షాలు కురిసే అవకాశం ఉందని భారత వాతావరణ శాఖ ప్రకటించింది. రానున్న వర్షాకాలం వేసవి తాపం నుండి ఉపశమనం కలిగి౦చే మాట నిజమే.  అయితే ఇది అంటువ్యాధులు, నీటి ద్వారా వచ్చే వ్యాధులు, చర్మ అలెర్జీలు మరియు ఫుడ్ పాయిజనింగ్, అజీర్ణం, జలుబు, ఫ్లూ, వైరల్ ఫీవర్ వంటి ఇతర సమస్యలను కూడా వెంట తీసుకు వస్తుంది.  ఆరోగ్యం పరంగా జాగ్రత్తగా  ఉండటం చాలా ముఖ్యం. వర్షాకాలంలో ఆరోగ్యకరమైన ఆహారాన్ని అనుసరించడం వంటి చర్యల ద్వారా మన  రోగనిరోధక వ్యవస్థను ప్రభావితం చేయవచ్చు. దీనికి తోడు శారీరక వ్యాయామం, పరిసరాలు  ఇంకా తాగునీరు తదితర విషయాల్లో కూడా జాగ్రత్త  అవసరం. మరి వర్శాకాల౦లో రోగనిరోధక శక్తిని పెంచడానికి,  ఆరోగ్యాన్ని కాపాడుకోవడానికి గుర్తుంచుకోవలసిన కొన్ని చిట్కాలు.. మీకోసం! 

* సీజనల్ మరియు పుల్లని  (సిట్రస్) పండ్లను తినండి

ఆయా ఋతువుల్లో లభించేవి ఇంకా పుల్లని పండ్లు శక్తిని పునరుద్ధరించడానికి మరియు రోగనిరోధక శక్తిని పెంపొందించడంలో సహాయపడతాయి, ఎందుకంటే అవి విటమిన్ సి మరియు ఫైబర్ వంటి పోషకాల యొక్క పవర్‌హౌస్ లు. యాపిల్, జామ, అరటి, దానిమ్మ, రేగు, బొప్పాయి, కివి, ఉసిరి, నారింజ, మోసంబి లేదా బెర్రీలు మీ ఆహారంలో చేర్చుకోడానికి  ఉత్తమమైనవి. ఇవి  విటమిన్ సి, ఇనుము శోషణకు కూడా సహాయపడతాయి.

ఉప్పుకు దూరంగా ఉండండి 

వర్షాకాలంలో ఉప్పు తక్కువగా ఉండే ఆహారం తీసుకోవడం ఎల్లప్పుడూ మంచిది, ఎందుకంటే ఇది అధిక బీపీ మరియు శరీరంలో  నీరు నిల్వ ఉండడాన్ని నివారిస్తుంది. అలాగే, పుచ్చకాయ, మస్క్ మెలాన్ , దోసకాయ వంటి పండ్లు కూడా ఈ పరిస్థితికి దారి తీస్తాయి కాబట్టి వీటిని అధికంగా తినకపోవడమే మంచిది.  

*బలమైన  ప్రొటీన్-రిచ్ డైట్

 రోగనిరోధక శక్తిని పెంచడానికి, గాయాలను నయం చేయడానికి మరియు కండరాల నిర్మాణానికి ప్రోటీన్ ప్రధాన  పోషకం. పప్పులు, పప్పులు, పాలు, పెరుగు, గుడ్లు, చికెన్, పనీర్, సోయా, టోఫులో ప్రొటీన్లు పుష్కలంగా లభిస్తాయని  డైటీషియన్లు, న్యూట్రిషనిస్ట్ లు  సూచించారు. మీ ఆహారంలో పెరుగు లేదా యోగర్ట్ను చేర్చుకోవడం మంచిది.  ఎందుకంటే వీటి  ప్రోబయోటిక్ తత్వంవల్ల పెరుగులో ఉండే మంచి బ్యాక్టీరియా వర్షాకాలంలో రోగనిరోధక శక్తిని పెంచడానికి మరియు ఇన్ఫెక్షన్లతో పోరాడటానికి సహాయపడుతుంది.

* స్పైసీ ఫుడ్స్‌కు దూరంగా ఉండండి

కొన్ని సందర్భాల్లో ఘాటైన, స్పైసీ ఫుడ్ వల్ల చర్మంపై దద్దుర్లు, దురదలు, డల్నెస్ మరియు అలర్జీలు వస్తాయి. అలాగే, మనం స్ట్రీట్ ఫుడ్, జంక్ ఫుడ్స్, డీప్ ఫ్రైడ్ ఫుడ్స్‌కు కూడా  దూరంగా ఉండాలి. వీధిలో ఉండే  స్టాల్స్‌లో లభించే ముందుగా కట్ చేసిన  పండ్లలో బ్యాక్టీరియా ఉంటుంది ఇది  కడుపుని బలహీనపరుస్తుంది. శరీరంలో నీరు నిలుపుదలను  నిరోధించడానికి చింతపండు, పుల్లని ఆహారాలు మానుకోండి.  కారంగా ఉండే ఆహారాలు అజీర్ణానికి కూడా కారణమవుతాయి.

* తాగే నీటిని మరిగించండి

 వర్షాలు పడుతూ, చల్లగా ఉన్నపుడు తాగే నీటి పరిమాణం గణనీయంగా తగ్గుతుంది.  కానీ, ఏ కాలంలో అయినా హైడ్రేటెడ్ గా ఉండటానికి రోజుకు 8-10 గ్లాసుల నీరు త్రాగటం ముఖ్యం. ఐతే, కామెర్లు, విరేచనాలు మరియు నీటి ద్వారా సంక్రమించే కలరా వంటి వ్యాధులను మరిగించిన నీరు నివారిస్తుంది. తేనె, అల్లం మరియు నల్ల మిరియాలు కలిపిన గోరువెచ్చని నీరు తాగటం ఈ మాన్సూన్ సేజన్ లో  జలుబు, దగ్గు మరియు ఫ్లూ నివారించడానికి ఒక అద్భుత చిట్కా అవుతుంది.

మరి, ఈ సమాచారం మీకు నచ్చిందా? వెంటనే లైక్ చేయండి. మీకు తెలిసిన మరిన్ని చిట్కాలను మాతో ఇక్కడ పంచుకోండి. ఆ విధంగా అందరికీ ఆ చిట్కాలు, నాలెడ్జ్ అందేలా చేయండి.

 

(పై కథనం సమాచార ప్రయోజనాల కోసం మాత్రమే.  మీ ఆరోగ్యం లేదా వైద్యానికి సంబంధించి మీకు ఏవైనా సందేహాలు ఉంటే ఎల్లప్పుడూ మీ డాక్టర్ లేదా ఇతర అర్హత కలిగిన ఆరోగ్య నిపుణులను సంప్రదించండి .)

  • వ్యాఖ్య
వ్యాఖ్యలు ()
Kindly Login or Register to post a comment.
+ బ్లాగుని మొదలు పెట్టు

పైన ఆరోగ్యం మరియు వెల్నెస్ బ్లాగ్లు

Ask your queries to Doctors & Experts

Ask your queries to Doctors & Experts

Download APP
Loading
{{trans('web/app_labels.text_Heading')}}

{{trans('web/app_labels.text_some_custom_error')}}

{{trans('web/app_labels.text_Heading')}}

{{trans('web/app_labels.text_some_custom_error')}}