• లాగ్ ఇన్
  • |
  • నమోదు చేయు
ఆరోగ్యం మరియు వెల్నెస్

శిశువులకు మరియు పాలిచ్చే తల్లులకు విటమిన్ డి లోపం , లక్షణాలు

Aparna Reddy
గర్భధారణ

Aparna Reddy సృష్టికర్త
నవీకరించబడిన Nov 25, 2020

నిపుణుల ప్యానెల్ సమీక్షించింది

 

మీ బిడ్డకు విటమిన్-డి లోపం వలన రికెట్స్, కార్డియోమయోపతి మరియు ఇతర అంటు వ్యాధులు, ఆటోఇమ్యూన్ వ్యాధులు మరియు డయాబెటిస్ వంటి వ్యాధులు రావడానికి అవకాశం ఉంటుంది.

 

శిశువులలో విటమిన్-డి ప్రభావం :

 

మీకు తెలిసిన విధంగా మీ శిశువు యొక్క ఆరోగ్యకరమైన ఎముకలు, దంతాలు మరియు మొత్తం ఆరోగ్యానికి బాధ్యత వహిస్తుంది. ఈ విటమిన్ డి అనేక ఇన్ఫెక్షన్లను ఎదుర్కోవడంలో ముఖ్యపాత్ర వహిస్తుంది మరియు శిశువు యొక్క కండరాలు, గుండె మరియు మెదడు బాగా పని చేయడానికి ఉపయోగపడుతుంది. కాబట్టి, క్లుప్తంగా విటమిన్-డి గురించి తెలుసుకుందాం..

 

* రోగనిరోధక శక్తిని బలపరుస్తుంది

 

* కండరాలు మరియు హృదయనాళ వ్యవస్థను మెరుగుపరుస్తుంది.

 

* శ్వాసకోశ పనితీరును మెరుగుపరుస్తుంది

 

* మెదడు అభివృద్ధికి సహాయపడుతుంది

 

* క్యాన్సర్ నిరోధక లక్షణాలను కలిగి ఉంటుంది.

 

మీకు తెలుసా, విటమిన్ డి మన శరీరంలోనే ఉత్పత్తి అవుతుందా ? అవును ఇది నిజం ! మీ బిడ్డను సూర్యరశ్మికి బహిర్గతం చేస్తే చాలు. ఆమె విటమిన్ డి ని పొందగలదు. వాస్తవానికి, మీ శరీరంలోని విటమిన్-డి అవసరాన్ని భర్తీ చేయడంలో మీకు సహాయ పడే ఆహార పదార్థాలు ఏవి అందుబాటులో ఉండవు. కాబట్టి శిశువును క్రమంతప్పకుండా సూర్యరశ్మికి బహిర్గతం చేయడం తప్పనిసరి.

 

0 - 12 నెలల వయస్సు గల శిశువులలో విటమిన్-డి లోపం యొక్క లక్షణాలు :

 

శిశువులలో విటమిన్-డి లోపం స్పష్టంగా కనిపించకపోవచ్చు. మొండిగా ఉండడం లేదా అసౌకర్యంగా ఉండడం మాత్రమే సంకేతాలు కావచ్చు. కానీ ఇది సులభంగా గుర్తించ బడదు. అందువలన మీ బిడ్డలో విటమిన్ డి స్థాయిలు సరిగ్గా ఉన్నాయా అని తెలుసుకోవడానికి ఈ క్రింద ఇవ్వబడిన జాబితాలో కొన్ని లక్షణాలను చూడండి.

 

మృదువైన లేదా బలహీనమైన పుర్రె :

విటమిన్ డి లోపం వల్ల శిశువులలో డెలివరీ అయిన వెంటనే పుర్రె ఎముకలు కలిసిపోవడానికి సోలిసిఫికేషన్ పురోగతి సరిపోదు. ఇది శిశువులలో పుర్రె మృదువుగా ఉండడానికి దారితీస్తుంది. ఇది వారి ఆరోగ్యాన్ని ప్రమాదంలో పడేస్తుంది.

 

ఎదుగుదల ఆలస్యమవుతుంది :

విటమిన్ డి లోపం ఉన్న శిశువులు తనంతట తాను కూర్చోవడం లేదా ప్రాకడం కష్టతరం అవుతుంది. కొన్ని సందర్భాలలో ఎముకలు అసాధారణంగా పెరిగి శిశువు యొక్క అవయవాలు ఎర్రబడి ఉబ్బినట్లుగా అవుతాయి. అది బలహీనమైన కండరాలు ఎముకలలో వచ్చే నొప్పికి కారణం అయి ఆందోళనకు గురిచేస్తాయి. ఇది విటమిన్ డి లోపం వలన కలుగుతుంది.

 

అసాధారణమైన ఎముకలు :

బయటకు వంగినట్లుగా ఉన్న కాళ్ళు మరియు వెన్నెముక మీ శిశువులో ఎముకల లోపాలకు గుర్తులుగా ఉంటాయి. విటమిన్-డి స్థాయిలు సరిపోకపోవడం కారణంగా శిశువులలో ఆరోగ్యకరమైన పెరుగుదలను నిరోధిస్తుంది.

 

పెరుగుదల నెమ్మదిగా ఉంటుంది :

విటమిన్-డి స్థాయి తక్కువగా ఉన్న శిశువులలో ఎదుగుదల చాలా తక్కువగా ఉంటుంది. ఆరోగ్యకరమైన శిశువుల కంటే వీరు ఆలస్యంగా నడవడం ప్రారంభిస్తారు.

 

దంతాల ఆలస్యం :

మీ శిశువులలో విటమిన్ డి లోపం ఉన్నట్లయితే వారి దంతాలు ప్రక్రియ ఆలస్యంగా మొదలవుతుంది. మీ బిడ్డ యొక్క పాల దంతాలు పెరుగుదల కూడా దెబ్బతింటుంది.

 

బలహీనమైన రోగనిరోధక శక్తి :

మీ బిడ్డకు విటమిన్-డి స్థాయిలు తక్కువగా ఉన్నట్లయితే వారు అంటు వ్యాధులు, మరి కొన్ని రకాల వ్యాధుల బారిన పడే అవకాశం ఉంటుంది. ఉదాహరణకు అటువంటి పిల్లల్లో శ్వాసకోశ వ్యాధులు సర్వసాధారణం. బలహీనమైన ఛాతి కండరాలు మరియు మృదువైన  పక్కటెముక కారణంగా ఇది జరుగుతుంది.

 

గర్భిణీ స్త్రీలలో విటమిన్ డి లోపం యొక్క లక్షణాలు :

 

సాధారణంగా ఈ రోజులలో జీవనశైలి సమస్యల వలన ఎంతో మంది డి విటమిన్ లోపంతో బాధపడుతున్నారు. ఇక్కడ, తల్లి కాబోతున్న వారిలో డి విటమిన్ లోపాలు ఉన్నట్లయితే ఆ ప్రభావం బిడ్డపై గణనీయంగా చూపుతుంది. అందువలన తల్లి కాబోతున్న వారు సప్లిమెంట్ రూపంలో డి విటమిన్ తీసుకోవాలని సిఫార్సు చేయబడింది. కొంతమంది స్త్రీలలో ఇతరులతో పోలిస్తే డి విటమిన్ లోపం ఎక్కువగా ఉండే అవకాశం ఉంది. కారణాలు కింద తెలుపబడ్డాయి...

 

* ఊబకాయము

 

* సూర్యరశ్మికి దూరంగా ఉండటం

 

* నల్లని చర్మము

 

మీకు వీటిలో  ఏవైనా సమస్యలు ఉన్నట్లయితే, మీ శిశువులకు విటమిన్ డి లోపాలు ఏర్పడకుండా మీ డాక్టర్ను సంప్రదించి సప్లిమెంట్లను తీసుకోండి.

 

పాలిచ్చే తల్లులకు విటమిన్ డి యొక్క లోపం లక్షణాలు :

 

మీకు తెలుసా, మీ గర్భంలో ఉన్నప్పుడు శిశువు యొక్క విటమిన్-డి స్థాయిలు పెరుగుతాయి. తర్వాత వారు పుట్టిన వెంటనే ఆ స్థాయిలు పడిపోతాయి. అందువలన ఇంట్లో పెద్దలు శిశువుని ప్రతి రోజూ కొంత సమయం ఎండలో ఉంచాలి అని సలహా ఇస్తారు. అదేవిధంగా తల్లిపాల నుండి కూడా విటమిన్-డి సరఫరా చేయబడుతుంది. కాబట్టి మీకు విటమిన్-డి లోపం ఉన్నట్లు అయితే మీ శిశువుకు విటమిన్-డి స్థాయి తగ్గి ప్రమాదంలో పడే అవకాశం ఉంటుంది.

 

మీ శిశువుకు విటమిన్ డి లోపం ఉంటే ప్రమాదకరమా ?

ప్రతి శిశువు ఆరోగ్యకరంగా జీవించడానికి అవసరమైన విటమిన్ డి అవసరం. కానీ కొంతమంది పిల్లలకు దీని అవసరం మరింత ఎక్కువగా ఉంటుంది. తల్లి నుండి బిడ్డకు అందవలసిన విటమిన్-డి సరైన మోతాదులో బిడ్డకు అందనట్లయితే పిల్లలలో విటమిన్-డి లోపం సమస్యాత్మకంగా మారుతోంది. శిశువులలో విటమిన్-డి లోపాలకు మరిన్ని కారణాలు..

 

* సూర్యరశ్మికి బహిర్గతం కాకపోవటం

 

* తల్లి ఆహారం ద్వారా విటమిన్ డి సరఫరా లేకపోవడం.

 

సూర్యరశ్మి  శిశువులలో విటమిన్-డి ని పెంపొందిస్తుంది.

మీ బిడ్డకు ఆరు నెలలు కంటే తక్కువ వయస్సు ఉన్నట్లయితే వారిని ఎక్కువగా సూర్యరశ్మికి గురి చేయవద్దు. ఇటువంటి సందర్భాలలో మీరు మీ బిడ్డకు విటమిన్-డి సప్లిమెంట్ కోసం మీ వైద్యుని సంప్రదించ వచ్చు. ఏదిఏమైనప్పటికీ తర్వాతి రోజులలో మీ పిల్లలను ఎక్కువ సమయం సూర్యరశ్మి లో ఉంచుతున్నట్లు అయితే సరైన దుస్తులు ఉపయోగించాలి. వారి చర్మం ఎండకు కమిలిపోకుండా ఉండటానికి సరైన జాగ్రత్తలు తీసుకోండి!


ఈ బ్లాగ్ మీకు ఉపయోగకరంగా ఉందా ? ఈ క్రింది వ్యాఖ్యల విభాగంలో మీ అభిప్రాయాలను మాతో పంచుకోండి.

అతని కంటెంట్‌ను పేరెంట్యూన్ ఎక్స్‌పర్ట్ ప్యానెల్ యొక్క వైద్యులు మరియు నిపుణులు తనిఖీ చేశారు మరియు ధృవీకరించారు. మా ప్యానెల్‌లో నియోనాటాలజిస్ట్, గైనకాలజిస్ట్, పీడియాట్రిషియన్, న్యూట్రిషనిస్ట్, చైల్డ్ కౌన్సిలర్, ఎడ్యుకేషన్ అండ్ లెర్నింగ్ ఎక్స్‌పర్ట్, ఫిజియోథెరపిస్ట్, లెర్నింగ్ డిసేబిలిటీ ఎక్స్‌పర్ట్ మరియు డెవలప్‌మెంటల్ పీడ్ ఉన్నారు

  • వ్యాఖ్య
వ్యాఖ్యలు ()
Kindly Login or Register to post a comment.
+ బ్లాగుని మొదలు పెట్టు

పైన ఆరోగ్యం మరియు వెల్నెస్ బ్లాగ్లు

Ask your queries to Doctors & Experts

Download APP
Loading
{{trans('web/app_labels.text_Heading')}}

{{trans('web/app_labels.text_some_custom_error')}}

{{trans('web/app_labels.text_Heading')}}

{{trans('web/app_labels.text_some_custom_error')}}