• లాగ్ ఇన్
  • |
  • నమోదు చేయు
పేరెంటింగ్ ఆరోగ్యం మరియు వెల్నెస్ ఫుడ్ అండ్ న్యూట్రిషన్

మీ పిల్లలకు ఫైబర్ ఉన్న ఫుడ్ ఎందుకు తప్పనిసరి?

Ch Swarnalatha
1 నుంచి 3 సంవత్సరాలు

Ch Swarnalatha సృష్టికర్త
నవీకరించబడిన Jun 29, 2022

ఆహారంలో ఫైబర్ లేదా పీచుపదార్ధాలు తీసుకోవడం మన ఆరోగ్యానికి మంచిది అని మనందరికీ తెలుసు.  కానీ అది ఎందుకు అనేది వివరంగా తెలియదు కదూ..  ఆహారంలో  ఫైబర్‌  తీసుకోవడం వల్ల కలిగే ప్రయోజనాలు గురించి మనం తప్పక అధ్యయనం చేయాలి.. దాని గురించి మనకు కొంత నాలెడ్జ్ ఉండాలి. కాబట్టి తెలుసుకోడానికి  ప్రయత్నిద్దాం...

  • మధుమేహంతో బాధపడుతున్న వారికి ఇది మంచిది. ఎందుకంటే షుగర్ ఉన్నపుడు మీకు ఆకలిగా అనిపించవచ్చు. ఈ భావన అతిగా తినడానికి దారితీస్తుంది. ఫైబర్ మనిషి రక్తప్రవాహంలోకి చక్కెర శోషించబడే రేటును తగ్గిస్తుంది. మనం ఫైబర్ అధికంగా ఉండే బీన్స్ లేదా తృణధాన్యాలు వంటి ఆహారాన్ని తినడం వల్ల, ఆహారంలోని చక్కెర నెమ్మదిగా గ్రహించబడుతుంది, ఇది రక్తంలో గ్లూకోజ్ స్థాయిని తక్కువ స్థాయిలో ఉంచుతుంది.
  • ఫైబర్ తీసుకుంటే  మీ ప్రేగులలో కదలికలను వేగవంతం చేస్తుంది. అంటే మీరు కరగని ఫైబర్ ఉన్న ధాన్యాలు తిన్నప్పుడు, మీ పేగులోని ఆహార కణాలు వేగంగా కదులుతాయి, ఇది మీ పొట్ట నిండుగా ఉందని మీకు సంకేతం ఇవ్వడంలో సహాయపడుతుంది.
  • పీచుపదార్ధం,  దాని స్క్రబ్ బ్రష్ ప్రభావం కారణంగా పెద్దప్రేగు ప్రాంతాన్ని శుభ్రపరుస్తుంది.
  • పేగులో ఉండే బ్యాక్టీరియా మరియు ఇతర నిర్మాణాలను శుభ్రం చేయడానికి ఫైబర్ సహాయపడుతుంది. ఇది ప్రేగులలో స్తబ్దత కారణంగా సంభవించే పెద్దప్రేగు క్యాన్సర్ ప్రమాదాన్ని తగ్గిస్తుంది. 
  • ఫైబర్ ప్రేగు కదలికలను క్రమంగా ఉంచడానికి సహాయపడుతుంది. ఫైబర్ అధికంగా ఉండే ఆహారం, మృదువైన మరియు క్రమబద్ధమైన ప్రేగు కదలికలను కలిగి ఉండటానికి సహాయపడుతుంది మరియు మీ బిడ్డ ఆహారంలో మలబద్ధకాన్ని తగ్గిస్తుంది.

మీ శిశువు ఆహారంలో ఫైబర్ జోడించడానికి మీరు ఏమి చేయాలి

  • ఫైబర్ యొక్క ప్రయోజనాలు చాలా ఉన్నాయి, ఇది పిల్లల మెరుగైన ఆరోగ్యానికి సహాయపడుతుంది. పిల్లల ఆహారంలో ఫైబర్‌ను జోడించడం, వంటగది నిర్వాహకురాలిగా మహిళల విధి.
  • ఫైబర్ బ్రెడ్, తృణధాన్యాలు మరియు ఇతర ధాన్యాలలో ఉన్నట్లు మనకు తెలుసు. కాబట్టి , మనం ఆహారంలో తప్పనిసరిగా వీటిని చేర్చాలి.
  • పిల్లలకు  ఒక్కో సర్వింగ్‌లో కనీసం 3 గ్రాముల ఫైబర్ ఉండాలి. అందుకే వీరికి హోల్ వీట్ బ్రెడ్ ఇవ్వాలి. 
  •  పిల్లలకు తృణధాన్యాలు ఇవ్వాలి, ఎందుకంటే ఇందులో ఫైబర్ అధికంగా ఉంటుంది. మీరు తృణధాన్యాలు, దంచిన వోట్స్ నుండి పొందవచ్చు.
  • బ్రౌన్ రైస్ గోధుమ రంగులో ఉంటుంది, ఎందుకంటే అది పొట్టును కలిగి ఉంటుంది. దానిలో ఫైబర్ తీసివేయబడలేదని అర్థం. కాబట్టి ఇది పిల్లలకు ఫైబర్ యొక్క మంచి మూలం.
  • బీన్స్ మరియు చిక్కుళ్ళు ద్వారా కూడా ఫైబర్ మరియు ప్రోటీన్ లభిస్తాయి.
  • పండ్లు మరియు కూరగాయలు ఎల్లప్పుడూ ఫైబర్ కలిగి ఉంటాయి, అందుకే జ్యూస్‌లు తాగడం కంటే పండ్లు తినడం చాలా ఆరోగ్యకరమైనది. రసంలో ఫైబర్ ఉండదు. 

పిల్లలకు ఫైబర్ ఎందుకు ఇవ్వాలి?

పిల్లల ఆహారంలో ఫైబర్‌ను ప్రోత్సహించడానికి చాలా కారణాలు ఉన్నాయి. దానిని మీ బిడ్డకు తగినంతగా అందజేసేలా చూసుకోవడం కోసం, దానిని సులువుగా  మరియు సరళంగా మార్చాలి. ఫైబర్ తినడానికి మనకు రెండు ప్రాథమిక కారణాలు ఉన్నాయి. 

  • ఫైబర్ కడుపును, నింపి మధుమేహాన్ని నివారిస్తుంది.
  • జీర్ణక్రియకు సహాయపడుతుంది మరియు మలబద్ధకాన్ని నివారిస్తుంది. జీర్ణవ్యవస్థ మార్గాన్ని క్లియర్ చేస్తుంది. ఇది మీ జీర్ణాశయాన్ని క్రమంగా శుభ్రపర్చడమే కాకుండా, పేగు లోపలి భాగాలలో చక్కని కదలిక ఉండేలా చేస్తుంది.

మీ పిల్లలు చక్కగా ఇష్టపడే 10 హై ఫైబర్ ఫుడ్స్

పిల్లలు తినాల్సిన వాటిని తినేలా చేయడం నిజానికి, తల్లిదండ్రులకు చాలా సులభం కాదు.  ఎందుకంటే వారు చాలా తక్కువ రకాల ఆహారాన్ని మాత్రమే తింటారు.  ఫైబర్ మరియు జీర్ణక్రియ మధ్య సంబంధాన్ని గుర్తించలేక, కొందరు  తమ పిల్లలకు హితం కాని  ఆహారం ఇస్తూ ఉంటారు. దీనిని నివారించాలి. కానీ, పిల్లలు ఏమి తినాలో కాకుండా, వారు తినడానికి ఇష్టపడేవే ఇస్తారు. ఇదాహరణకు,  7 - 11 సంవత్సరాల వయస్సు పిల్లలు రోజుకు 14 నుండి 31 గ్రాముల ఫైబర్ పొందాలి.

హోల్ గ్రెయిన్ ఫుడ్స్:ఫైబర్ యొక్క ఉత్తమ మూలం వారు నిజంగా తినవలసిన అధిక ఫైబర్ ఆహారం- హోల్ గ్రెయిన్ ఫుడ్స్. బ్రెడ్, తృణధాన్యాలు, బ్రౌన్ రైస్ మొదలైన వాటి రూపంలో ఫైబర్ అందించడం ద్వారా మీరు వాటిని చాలా రుచికరమైన రీతిలో పొందవచ్చు.

వోట్మీల్:  మీ పిల్లల ఉదయాన్ని ఓట్ మీల్‌తో ప్రారంభించండి. ఒక కప్పు వండిన రుచికరమైన వేడి ఓట్ మీల్ అల్పాహారంలో  దాదాపు 4 గ్రాముల ఫైబర్  లభిస్తుంది. మీరు దాల్చిన చెక్క, మాపుల్ సిరప్ మరియు ఎండుద్రాక్షలను దీనికి జోడించవచ్చు, ఇది మరింత రుచికరంగా ఉంటుంది.

యాపిల్స్: కరకరలాడే ఆపిల్స్ ను ప్రతి పిల్లవాడు ఇష్టపడతాడు. ప్రతి యాపిల్‌లో 3.6 గ్రాముల ఫైబర్ ఉంటుంది. ఇది పిల్లలకు రోజుకు చాలా అవసరం. పిల్లవాడు తినడానికి మరింత ఇర్రెసిస్టిబుల్ చేయడానికి మీరు పీనట్ బటర్ ని జోడించవచ్చు.

పాప్ కార్న్

ఫ్యామిలీతో  మూవీకి వెళ్ళినపుడు మాత్రమే పాప్‌కార్న్ తినాల్సిన సమయం కాదు. అది రోజులో ఎప్పుడైనా ఇవ్వవచ్చు. మూడు కప్పుల పాప్‌కార్న్‌లో 2 గ్రాముల ఫైబర్ మీకోసం ఎల్లప్పుడూ అందుబాటులో ఉంటుంది.

కారెట్

క్యారెట్ అనేది ఒక కూరగాయ, పిల్లలు చదువుతున్నప్పుడు ఆహారంగా లేదా మధ్యాహ్న భోజనంలో సలాడ్‌గా ఇవ్వవచ్చు. ప్రతి అరకప్పు క్యారెట్‌లో 2.9 గ్రాముల ఫైబర్ ఉంటుంది.

అరటిపండ్లు

ఇక మీడియం సైజు అరటిపండులో 3.1 గ్రాముల ఫైబర్‌ ఉంటుంది.  మధ్యాహ్న సమయంలో ఇవ్వడానికి ఇదిగొప్ప అల్పాహారం.

హోల్ వీట్  బ్రెడ్

సగటున 2 గ్రాముల ఫైబర్‌తో కూడిన హోల్‌గ్రెయిన్ బ్రెడ్‌ను భోజనంతో పాటు భోజనం లేదా రాత్రి భోజనం సమయంలో పిల్లలకు ఇవ్వవచ్చు.

బెర్రీలు

రాస్ప్ బెర్రీస్, బ్లూబెర్రీస్ మరియు స్ట్రాబెర్రీలు, వాటిలో చాలా వరకు సగం కప్పుకు 1.8 గ్రాముల నుండి 4 గ్రాముల ఫైబర్ ఉంటుంది.

బేరిపండు (పియర్)

ప్రతి మీడియం-సైజ్ పియర్‌తో 5 గ్రాముల ఫైబర్‌ను అందించగల మాకు ఉత్తమమైన ట్రీట్‌లలో ఒకటి.

చిలగడదుంపలు

 కనీసం మధ్యస్థ-పరిమాణ౦లొ ఉన్న  చిలగడదుంప ద్వారా 3.8 గ్రాముల ఫైబర్ దొరుకుతుంది. దీనిని రుచికరమైన సలాడ్ లో లేదా చిరుతిండిగా తినదగిన పండ్లలో  కలపవచ్చు.

ఈ కంటెంట్ పేరెన్ట్యూన్ నిపుణుల ప్యానెల్‌లోని వైద్యులు మరియు నిపుణులచే తనిఖీ చేయబడింది & ధృవీకరించబడింది. మా ప్యానెల్‌లో నియోనాటాలజిస్ట్, గైనకాలజిస్ట్, పీడియాట్రిషియన్, న్యూట్రిషనిస్ట్, చైల్డ్ కౌన్సెలర్, ఎడ్యుకేషన్ & లెర్నింగ్ ఎక్స్‌పర్ట్, ఫిజియోథెరపిస్ట్, లెర్నింగ్ డిజేబిలిటీ ఎక్స్‌పర్ట్ మరియు డెవలప్‌మెంటల్ పీడ్ ఉన్నారు.

  • వ్యాఖ్య
వ్యాఖ్యలు ()
Kindly Login or Register to post a comment.
+ బ్లాగుని మొదలు పెట్టు

పైన పేరెంటింగ్ బ్లాగ్లు

Ask your queries to Doctors & Experts

Ask your queries to Doctors & Experts

Download APP
Loading
{{trans('web/app_labels.text_Heading')}}

{{trans('web/app_labels.text_some_custom_error')}}

{{trans('web/app_labels.text_Heading')}}

{{trans('web/app_labels.text_some_custom_error')}}