నొప్పిలేని సులభమైన డెలివరీ కోసం గర్భవతులకు 8 టిప్స్

Pregnancy

Ch  Swarnalatha

2.5M వీక్షణలు

3 years ago

నొప్పిలేని సులభమైన డెలివరీ కోసం గర్భవతులకు 8 టిప్స్
జననం - డెలివరీ

తల్లిగా మారడం అనేది ఏ స్త్రీకైనా అత్యంత సంతోషకరమైన క్షణం, కానీ ఈ రోజుల్లో బిజీ లైఫ్, మారుతున్న జీవనశైలి కారణంగా, సాధారణ మార్గంలో ప్రసవించడం అంత సులభం కాదు. అందుకే చాలా ప్రసవాలు సిజేరియన్ ద్వారా జరుగుతున్నాయి, అయితే ఈ పద్ధతి చాలా ఖరీదైనది మరియు కొన్నిసార్లు హానికరం కూడా. అటువంటి పరిస్థితిలో, సాధారణ డెలివరీ ఉత్తమ ఎంపిక. నార్మల్ డెలివరీకి కచ్చితమైన మార్గం లేనప్పటికీ, కొన్నిజాగ్రత్తలు తీసుకుంటే సాధారణ ప్రసవానికి అవకాశాలు ఎక్కువగా ఉంటాయి.

Advertisement - Continue Reading Below
Advertisement - Continue Reading Below

సాధారణ డెలివరీని సులభతరం చేయడానికి 8 చిట్కాలు

 ఇక్కడ మేము మీకు మీ డెలివరీ సులభ౦ అయేందుకు  తీసుకోవాల్సిన 8 చర్యలను తెలియజేస్తాము. తక్కువ నొప్పిగల సాధారణ డెలివరీ కోసం ఈ టిప్స్ ను ప్రయత్నించవచ్చు.

  1. డెలివరీ గురించి వీలైనంత ఎక్కువ సమాచారం తెలుసుకోండి - సాధారణ డెలివరీ కోసం, మీరు గర్భధారణ సమయంలో ప్రసవానికి సంబంధించి వీలైనంత ఎక్కువ సమాచారాన్ని సేకరించడం అవసరం. ఈ సమయంలో ప్రసవ వేదనను భరించే శక్తిని ఎలా తీసుకురావాలో  మీ కుటుంబ సభ్యులు, స్నేహితులు, ఇతర తల్లితండ్రులను అడిగి తెలుసుకోండి.

  2. మంచి వైద్యుడిని సంప్రదించండి - మీకు సాధారణ డెలివరీ కావాలంటే, మధ్యమధ్యలో మంచి డాక్టర్‌తో చెక్ అప్ చేసుకోవాలి. నార్మల్ డెలివరీకి ఎక్కువ ప్రాధాన్యత ఇచ్చే వైద్యుడిని సంప్రదించండి.

  3. ఆందోళన లేదా ఒత్తిడికి దూరంగా ఉండండి - సాధారణ ప్రసవ౦ కావాలంటే, మీరు ఆందోళన మరియు టెన్షన్‌కు దూరంగా ఉండటం చాలా ముఖ్యం. మంచి ఆలోచనలతో కనెక్ట్ అవ్వండి. మీ ఆందోళన లేదా ఒత్తిడిని పెంచే స్థలాలు మరియు వస్తువులకు దూరంగా ఉండండి.

  4. సరైన ఆహారం తినండి - గర్భధారణ సమయంలో పోషకమైన ఆహారం చాలా ముఖ్యం. ఇది మీకు అలాగే మీ పుట్టబోయే బిడ్డకు ప్రయోజనం చేకూరుస్తుంది. మంచి ఆహారంతో, మీ శరీరం ఆరోగ్యంగా ఉంటుంది ఇంకా ప్రసవ సమయంలో మీకు ఎలాంటి సమస్య ఉండదు. ఇది కాకుండా, మీరు ఎక్కువ నీరు త్రాగాలి. కొవ్వు పదార్థాలు తినడం మానుకోండి. ఇది ఊబకాయాన్ని పెంచుతుంది తద్వారా సాధారణ ప్రసవ సమయంలో సమస్యలను కలిగిస్తుంది.

  5.  బ్రీతింగ్ టెక్నిక్ ప్రాక్టీస్ చేయండి - సరైన బ్రీతింగ్ టెక్నిక్ నార్మల్ డెలివరీ అవకాశాలను పెంచుతుంది. నిజానికి డెలివరీ సమయంలో శ్వాసను ఎప్పటికప్పుడు ఆపాల్సి ఉంటుంది. అటువంటి పరిస్థితిలో, మీరు శ్వాస వ్యాయామాలు చేయడం చాలా ముఖ్యం. ఇది కాకుండా, కడుపులో పెరుగుతున్న శిశువు అభివృద్ధికి మరింత ఎక్కువ ఆక్సిజన్ అవసరం. అటువంటి పరిస్థితిలో, ధ్యానం మరియు సరైన శ్వాస పద్ధతిని సాధన చేస్తూ ఉండండి మరియు దీర్ఘ శ్వాస తీసుకోవడానికి వ్యాయామాలు చేయండి.

  6. తగినంత నిద్ర అవసరం - సాధారణ ప్రసవానికి, మీరు తగినంత నిద్ర పొందడం అవసరం. మంచి నిద్ర మరియు విశ్రాంతితో, కడుపులోని బిడ్డ బాగా ఎదుగుతాడు. గర్భవతులు రాత్రిపూట కనీసం 7 గంటలు నిద్రపోవాలి. అంతే కాకుండా రాత్రిపూట ఎక్కువసేపు టీవీ చూడకండి. పగలు కూడా సుమారు 2-3 గంటలు విశ్రాంతి తీసుకోవడానికి ప్రయత్నించండి.

  7. ప్రసవానికి సంబంధించిన పుస్తకాలను చదవండి - మీరు సాధారణ ప్రసవం కావాలనుకుంటే, ప్రసవానికి సంబంధించిన మొత్తం సమాచారాన్ని మీరు తెలుసుకోవడం ముఖ్యం. నార్మల్ డెలివరీ అయేందుకు  ఇది చాలా ప్రభావవంతంగా ఉంటుంది. ప్రసవానికి సంబంధించిన సమాచారం కోసం, దానికి సంబంధించిన పుస్తకాలను చదవండి. పుస్తకం చదవడం ద్వారా, మీరు సహజ ప్రసవం గురించి తెలుసుకుంటారు. ఇది కాకుండా, మీరు అలాంటి మరింతసమాచారాన్ని కూడా పొందుతారు, దాని సహాయంతో మీరు మిమ్మల్నేకాకుండా పిల్లల గురించి జాగ్రత్తగా చూసుకోవచ్చు.

  8. క్రమం తప్పకుండా వ్యాయామం చేయండి - చాలామంది మహిళలు గర్భధారణ సమయంలో అధికంగా విశ్రాంతి తీసుకుంటారు. రెస్ట్ తీసుకోవడం తప్పు కాదు, అలాగని  అతిగా విశ్రాంతి తీసుకోవడం కూడా సరైనది కాదు. ఒకవేళ నార్మల్ డెలివరీలో ఎలాంటి సమస్య ఉండకూడదని మీరు కోరుకుంటే, దీని కోసం మీరు రోజూ చిన్నపాటి వ్యాయామాలు చేయడం ముఖ్యం. వ్యాయామం చేయడం వల్ల పొత్తి కడుపులోని కండరాలు బలపడతాయి. దీనితో పాటు తొడ కండరాలకు కూడా బలం వస్తుంది. ఇది సాధారణ ప్రసవ సమయంలో నొప్పిని తగ్గిస్తుంది. వ్యాయామంతో పాటు, యోగా కూడా మంచి ఎంపిక. మీరు కొంత ప్రాణాయామం కూడా చేయవచ్చు. అయితే, ఏదైనా రకమైన వ్యాయామం చేసే ముందు, మీ వైద్యునితో ఒకసారి మాట్లాడండి.

మీ సూచనలు  మా తదుపరి బ్లాగులను మరింత మెరుగుపరుస్తాయి, దయచేసి కామెంట్ చేయండి.  బ్లాగ్‌లో అందించిన సమాచారంతో మీరు సంతృప్తి చెందితే, తప్పకుండా ఇతర తల్లిదండ్రులకు షేర్ చేయండి. 

Be the first to support

Be the first to share

support-icon
Support
share-icon
Share

Comment (0)

share-icon

Related Blogs & Vlogs

No related events found.

Loading more...