మీ 0-1 వయస్సుగల చిన్నారికి సరదా ఆటపాటలు

అందరు పిల్లలు వాళ్ళు ఎదుగుతుండగా ఎన్నెన్నో కొత్త విషయాలు నేర్చుకుంటూనే ఉంటారు అసలు అందుకే ఎంత పెద్దవాళ్ళమైనా, పసిపిల్లలవంటి ఉత్సాహం ఎప్పుడూ కోల్పోకూడదు అంటుంటారు. వారి కుతూహలం ముద్దులొలికిస్తూ ఉంటుంది, వారి ప్రయత్నాలు చూసి పెద్దవాళ్ళకి కూడా సమయం తెలియదు. ఇంతటి అందమైన ప్రక్రియలో, పిల్లలకి సున్నితంగా వారు కూడా పూర్తిగా ఆనందించే విధంగా కొన్ని ఆటపాటల గురించి చదివేద్దాం రండి.

మీ 0-1 వయస్సుగల చిన్నారికి సరదా ఆటపాటలు

0-1 వయస్సు గల పిల్లలు అప్పుడప్పుడే స్పందించడం నేర్చుకుంటారు. వీటినే, రిఫ్లెక్సీస్ అని అంటారు. పైగా అటు ఇటు కదలడానికి ప్రయత్నిస్తుంటారు. ఇటువంటి సమయం లో వారు దెబ్బలు తగిలించుకోకుండా, జాగ్రత్తగా మనం ముందునుంచే ప్లాన్ చేసి పెట్టుకోగల ఆటలు నెలలవారీగా కింద వివరించబడి ఉన్నాయి.

0-3 నెలలు:

• మూడో నెల ఒక మైలురాయ్. ఈపాటికి వారు బోర్లా పడడానికి ప్రయత్నిస్తుంటారు కనుక వాళ్ళని ప్రోత్సహిస్తూ వాళ్ళకి దన్ను అందిస్తే వాళ్ళకి, ఎక్సర్సిస్ అవుతుంది, పట్టుదల కూడా పెరుగుతుంది.

• వాళ్ళ పట్టు ఇప్పుడిప్పుడే పెరుగుతూ వస్తుంది కాబట్టి, నొక్కగా కీచు శబ్దం చేసే బొమ్మలు, బొమ్మమధ్యలో నొక్కితే శబ్దం వచ్చే బొమ్మలు వారి పట్టు ని మెరుగుపరచవచ్చు. ఒకసారి వారి ముందు ఈ బొమ్మను వాడి, వారిని కూడా తిరిగి అదే చేసేట్టు ప్రోత్సహించండి.

4- 6 నెలలు:

• పిల్లలకి పెద్దలకి ఎప్పటికి ఎవర్గ్రీన్ ఆట దోబూచులాట. ఏదైనా ఒక సరిసమానమైన ఉపరితలం మీద పిల్లలకి ఇషటమైన బొమ్మమీద వారికీ చూపిస్తూ దుప్పటి కానీ, గుడ్డ కానీ కప్పండి.వెంటనే పిల్లలు వారికిష్టమైన బొమ్మని వెలికితీయడంలో మునిగిపోతారు.

• ఇంకా, ఫామిలీ ఫోటో ఆల్బమ్స్, రంగురంగుల కధల పుస్తకాలూ పిల్లలు ఎంజాయ్ చెయ్యడానికి ఇదే సరైన దశ. ఈ వ్యాపకం మనమందరం చుసిన ‘సిసింద్రీ ’ సినిమానే ఒక మలుపు తిప్పింది. పిల్లల్ని వాళ్ళో కూర్చోపెట్టుకుని వారికీ రంగులు చూపిస్తూ, వాటి పేర్లను గట్టిగ బయటకి చదవండి. దీని ద్వారా పిల్లల మెదడుకి కూడా కసరత్తు అయిపోతుంది.

• రియాక్షన్ టాయ్స్ అంటే, మీట నొక్కితే పాటలు పాడేవి, లైట్ వెలిగేవి పిల్లలకి ఈ దశలో నచ్చుతాయి. వాటితో మొదటిసారి ఆడించెదపుడు మొదట పెద్దవాళ్ళ సహాయం తో ఎక్కడ నొక్కాలి ఎం చెయ్యాలి అని నేర్పిస్తే, పిల్లలు వాళ్ళంతట వాళ్ళు ఆడుకునేపుడు భయపడకుండా ఉంటారు. లేకపోతె అనవసర భయాలకు లోనయ్యి ఆహ్ బొమ్మంటేనే దూరం జరుగుతారు.

• చాలామంది పిల్లలు నీటితో ఆదుకోవడానికి కూడా ఇష్టపడుతుంటారు. ఒక 3-4 ఇంచెస్ నీళ్లలో, వారిని కూర్చోబెట్టి, నీళ్ళల్లో కాళ్ళని ఆడనివ్వండి. ఆలా అని ఎక్కువసేపు నీళ్ళల్లో నాననివ్వకండి.

7 – 9 నెలలు:

• ఈ వయస్సుకి పిల్లలు వారి చుట్టుపక్కలున్న పరిసరాల్ని, మనుషుల్ని గుర్తుపట్టడం నేర్చుకుంటారు. వారి సొంత పేరు కూడా వారు గుర్తు పెట్టగలరు. అందుకని, అడ్డం ముందు వారిని కుర్చోపెటేస్తే సందడే సందడి. వారి చేష్టలు నవ్వు తెప్పించక మానవు.

• చిన్న పెద్ద అని తేడా లేకుండా మనమందరం ఆస్వాదించేది సంగీతం. అందువల్ల, పిల్లలకి పాటలు పద్యాలూ వినిపించాడీడానికి ఇదే సరైన సమయం. వారికి అర్ధం తెలియక పోయినా, పాడడానికి నోరు తిరగకపోయిన, వారు సంగీతాన్ని ఆస్వాదిస్తారు.

• వాళ్ళు ఈ సమయం లో నిల్చోవటానికి కూడా ప్రయత్నిస్తారు కాబట్టి వాళ్ళకి సహాయం అందిస్తూ వాళ్ళని నిల్చోపెట్టండి. సోఫా, మంచం వీటి పక్కాగా నిల్చోపెట్టి, డాన్స్ చేస్తూ, చెయ్యించండి

10 – 12 నెలలు:

• బిల్డింగ్ బ్లాక్స్ కూడా పిల్లల్ని అడించడానికి మంచి మార్గం. మొదట్లో మీరు పేరుస్తుండగా వారు దాన్ని నిలువునా కూల్చేయటం సహజం. కానీ, మీరు చేస్తుండగా వారు చూసి, నేర్చుకోవడానికి ప్రోత్సహించాబటారు. త్వరలోనే మీరు చేస్తున్నట కాపీ కొట్టడానికి ప్రయత్నించి కట్టడాలు మొదలుపెడతారు.

• పిల్లలతో పాటు వారి వెంట పాకుతూ, వారిని వెంబడిస్తున్నటు నటించండి. దీని ద్వారా వారు త్వర త్వరగా పాకడానికి ప్రయత్నిస్తారు. కానీ ఇటువంటివి చేసే ముందు నేల మీద ఎటువంటి ప్రమాదకర వస్తువులు లేకుండా చూసుకోవాలి. హడావిడిలో ఏది పిల్లలకి తగిలిన మన ప్రాణం విలవిల్లాడిపోతుందికదా మరి.

• వాళ్ళు పాకుతున్నప్పుడు, వారికి నచ్చిన బొమ్మను కానీ, బంతి ని కానీ వారి ముందుకి దొర్లించి, అందీఅందనట్టుంటే, దాన్ని అందుకోవడానికి వాళ్ళు పడే కష్టం, ఆ పట్టుదల చుస్తే ముచ్చటపడక తప్పదు.

• పిల్లల్ని వళ్ళో కూర్చో పెట్టుకుని మనం మంచం మీదనో, సోఫా మీదనో కూర్చుని, మెల్లగా, సున్నితంగా మోకాళ్ళ మీద నుండి జారవిడుస్తూ, వారికీ జారుడుబండ ఆడిపించవచ్చు.

వీటన్నిటితోపాటు ముఖ్యమైన విషయం ఏంటంటే తల్లిదండ్రులు తమ పిల్లలతో మాట్లాడాలి, ఆడాలి పడాలి. వారి తో పాటు నడుస్తూ పాకుతూ ఉంటే వారి మధ్య ప్రేమాప్యాతలతో పాటు పిల్లలు నేర్చుకోవలసినవి నేర్చుకుంటారు. ఎన్ని విధాలు మనం ఆలోచించిన, పిల్లలు ప్రక్రుతి లో ఉన్న ప్రతి విషయాన్ని ఈ దశకల్లా గమనించి పూర్తిగా అనుభవిస్తుంటారు. అందువల్ల, కొత్త ఆటలు, వారి అభిరుచిని బట్టి అప్పటి వీలుని బట్టి తల్లిదండ్రులు జాగ్రత్తగా ఏ ఆట ఆడిన వారికి ఆనందమే.