गरोदरपणात यूरिक अ‍ॅसिड वाढल्यास? फॉलो करा प्रभावी डाएट चार्ट!!

युरिक अ‍ॅसिड हा आजार गर्भधारणेदरम्यान झाला तर त्याचा परिणाम गर्भधारणेवर होऊ शकतो का? हा अनेक गर्भवतींना पडणारा प्रश्न आहे. आरोग्य तज्ज्ञांच्या मते, गर्भवती असताना बऱ्याच  महिलांच्या शरीरात अनेक वेळा युरिक अ‍ॅसिड वाढण्याची तक्रार वाढते. प्रत्येक गर्भवती महिलेला वाटण स्वाभाविक असते ते म्हणजे तिची आणि मुखतः बाळाची प्रकृती सुदृढ असावी परंतु अनेक वेळा गर्भवती महिलांच्या शरीरात आधीपासून असलेल्या कोणत्या ना कोणत्या आजारामुळे बालकांच्या आरोग्यावर परिणाम होतो. म्हणूनच गर्भधारणेदरम्यान महिलांना त्यांच्या आरोग्याची अधिक काळजी घेण्याचा सल्ला दिला जातो.

बऱ्याच वेळा गरोदर महिलांच्या शरीरात यूरिक अ‍ॅसिड चे प्रमाण अचानक वाढताना दिसते , अशा वेळेस गरोदरपणात यूरिक अ‍ॅसिडचे प्रमाण जास्त असल्याने आई आणि बाळ दोघांनाही त्रास उद्भवू  शकतो. यूरिक अ‍ॅसिड शरीरात नैसर्गिकरित्या तयार होत असल्याने, जेव्हा एखादी व्यक्ती अन्न खाते तेव्हा शरीर प्युरिन पचते तेव्हा यूरिक अ‍ॅसिड तयार होते. गरोदरपणातही यूरिक ऍसिडची पातळी जास्त होण्याचा धोका असतो. असे का होते ते आधी जानूया. 

युरिक अ‍ॅसिड शरीरात कसे तयार होते? 

शरीरात असलेल्या पेशी आणि आपल्या आहारातून यूरिक अ‍ॅसिड तयार होते, जे लघवीवाटे शरीरातून बाहेर टाकले जाते. शरीरातील मूत्रपिंडाचे मुख्य कार्य म्हणजे रक्त फिल्टर करणे आणि शरीरातून टाकाऊ पदार्थ काढून टाकण्यास मदत करणे; पण जेव्हा शरीरात यूरिक अ‍ॅसिड जास्त प्रमाणात तयार होऊ लागते, तेव्हा किडनी ते फिल्टर करू शकत नाही. यामुळे यूरिक अ‍ॅसिडची पातळी वाढते, जे हाडांच्या मध्यभागी क्रिस्टल्सच्या स्वरूपात जमा होते आणि वेदना होतात.

युरिक अ‍ॅसिड पातळी 
डॉक्टरांच्या मते , गर्भवती महिलांच्या शरीरात यूरिक ऍसिडची पातळी २.५ ते ५.६ mg/dL पर्यंत असते.  सामान्य परिस्थितीत, गर्भधारणेच्या पहिल्या तिमाहीत यूरिक ऍसिड २ ते ४.२ mg/dL असते. दरम्यान असणे आवश्यक आहे तर दुसऱ्या तिमाहीत ते २.४ वरून ४.९ mg/dL पर्यंत वाढते किंवा पर्यंत असू शकते.  गरोदरपणाच्या तिसऱ्या तिमाहीत युरिक ऍसिड ३.१ ते ६.३ mg/dL दरम्यान असू शकते. 

गरोदरपणात युरिक अ‍ॅसिड कसे नियंत्रणात ठेवावे? प्रभावी डाएट चार्ट
गर्भवती महिलांनी शरीराला दररोज २.५ - ३ लीटर पाणी पुरवले पाहिजे जेणेकरून मूत्रपिंडांना शरीरातून यूरिक ऍसिडची पातळी उत्सर्जित करण्यास आणि काढून टाकण्यास उत्तेजन मिळेल. त्याच वेळी, विश्रांतीसाठी वेळ घ्या, विशेषत: गर्भधारणेच्या शेवटच्या महिन्यांत जेणेकरून तुमच्या शरीराला आगामी जन्मासाठी तयारी करण्यास वेळ मिळेल. तसेच शरीरातील युरिक ऍसिडची पातळी नैसर्गिकरित्या कमी करू शकता त्यासाठी तुम्ही, 
१. प्युरीन समृध्द अन्न मर्यादित करा. तुम्ही तुमच्या आहारात यूरिक ऍसिडचे स्रोत मर्यादित करू शकता.
२. साखर टाळा. साखरेचे पदार्थ शक्यतो कमी करण्याचा प्रयन्त करा 
३. दिवसभरात जास्त पाणी प्या. 
४. वजन जास्त असेल तर त्यावर नियंत्रण मिळवा. 
५. रक्तातील साखरेचे व्यवस्थापन करा. 
६. आपल्या आहारात अधिक फायबर घाला.

जर तुम्ही फक्त युरिक अ‍ॅसिड कसे नियंत्रित करायचे हे जाणून घेऊ इच्छित असाल तर चेरी खाणे हा एक चांगला पर्याय आहे. एका अभ्यासानुसार,चेरी सेवन केल्यावर चेरी विशेषतः चांगले कार्य करतात आणि अभ्यासात असे दिसून आले की चेरी मुळे युरिक अ‍ॅसिडचा धोका ७५% कमी केला. चेरी यूरिक ऍसिडची पातळी कमी करण्यासाठी आणि जळजळ कमी होण्यास मदत करण्यासाठी ओळखली जाते.

याचा गर्भातील अभ्रकावर परिणाम होतो का?
ज्या गर्भवती महिलांना गरोदरपणाच्या पहिल्या तिमाहीत जास्त यूरिक अ‍ॅसिडची समस्या असते त्यांना प्री-एक्लॅम्पसिया नावाचा आजार होऊ शकतो.प्री-एक्लॅम्पसिया ही एक अशी परिस्थिती आहे ज्यात गरोदर महिलेचा अचानक रक्तदाब वाढतो आणि गंभीर स्वरूपात आकळी येण्याचा धोका सुद्धा असतो.  याशिवाय गर्भावस्थेतील मधुमेहाचा धोकाही वाढतो. त्यामुळे मुलांच्या वजनात तफावत तर असतेच, शिवाय गर्भातच किंवा जन्मत:च मृत्यू होण्याचा धोका असतो. याशिवाय मुलांमध्ये उच्च रक्तदाब, हृदयविकार आणि मधुमेहाचा धोकाही असू शकतो.

गर्भवती महिलांनी स्वतःसोबतच मुलाच्या आरोग्याचीही काळजी घेतली पाहिजे, त्यामुळे गरोदरपणात सकस आहाराचे पालन करून आणि व्यायाम आणि योगासने करून युरिक अ‍ॅसिड पातळी नियंत्रित ठेवता येते. फळे, हिरव्या भाज्या, नट आणि संपूर्ण धान्य यांचे सेवन करा, तसेच जंक फूड, मांसाहारी, प्रक्रिया केलेले आणि साखरयुक्त पदार्थ खाणे टाळा. या समस्येवर मात करण्यासाठी वजन नियंत्रण देखील उपयुक्त ठरेल.