ஆர்வமாக உள்ளீர்களா "என் குழந்தைக்கு ஏன் வைட்டமின் சி தேவை என்று?" அறிவதற்கு. ஒரு நாளைக்கு ஒரு கிளாஸ் ஆரஞ்சு சாறு சளியை ஓரம் கட்டிவிடும் என்று உங்கள் அம்மா சொன்னது உங்களுக்கு நினைவிருக்கிறதா? எந்த வயதிலும் உங்கள் குழந்தையை ஆரோக்கியமாக வைத்திருக்க வைட்டமின்கள் மற்றும் தாதுக்கள் அவசியம். உங்கள் குழந்தையின் ஆரோக்கியமான வளர்ச்சியில் வைட்டமின் சி ஏன் பெரும் பங்கு வகிக்கிறது என்பதற்கான காரணங்களை இங்கே கூறுகிறோம், வைட்டமின் சி இன் முக்கியத்துவம் என்ன?

வைட்டமின் சி தினம்: இந்த அத்தியாவசிய வைட்டமினுக்கு ஒரு நாள் அர்ப்பணிக்கப்பட்டுள்ளது என்பது உங்களுக்கு தெரியுமா? ஆம், நீங்கள் சரியாகத் தான் படித்தீர்கள்! ஒவ்வொரு ஆண்டும் ஏப்ரல் 4 வைட்டமின் சி தினமாக கொண்டாடப்படுகிறது.

வைட்டமின் சி என்றால் என்ன?

வைட்டமின் சி, எல்-அஸ்கார்பிக் என்றும் அழைக்கப்படும் இது நீரில் கரையக்கூடிய வைட்டமின், பல்வேறு வண்ணமயமான பழங்கள் மற்றும் காய்கறிகளில் உள்ளது, மேலும் இது நம் அன்றாட உணவில் சேர்த்துக் கொள்ளும் படியாகவும் கிடைக்கிறது. வைட்டமின் சி உடலால் உற்பத்தி செய்ய முடியாது. எனவே, இதை உணவில் சேர்த்துக் கொள்ள வேண்டும். இது நீண்ட காலம் உடலில் சேமிக்கப்படுவதில்லை ஆகவே ஒரு வழக்கமான அடிப்படையில் உட்கொள்ளுதல் அவசியம், இதை பின்பற்றாமல் இருந்தால் உங்கள் பிள்ளைக்கு வைட்டமின் சி குறைபாடு ஏற்படலாம்.

குழந்தைகள் / பெரியவர்களுக்கு வைட்டமின் சி ஏன் தினசரி தேவைப்படுகிறது?

குழந்தையின் ஒட்டுமொத்த ஆரோக்கியமான வளர்ச்சிக்கு வைட்டமின் சி முக்கிய பங்கு வகிக்கிறது. வைட்டமின் சி உங்கள் குழந்தையின் உணவில் இன்றியமையாத பகுதியாக இருப்பதன் சில முக்கிய காரணங்கள் இங்கே -

1. ஆன்டி ஆக்ஸிடென்ட் விளைவுகள்: வைட்டமின் சி ஃப்ரீ ரேடிக்கல்களால் ஏற்படும் சேதங்களிலிருந்து செல்களைப் பாதுகாக்கிறது. ஃப்ரீ ரேடிக்கல்கள், இயல்பான உடல் செயல்முறைகள் காரணமாக அல்லது புகை, புற ஊதா கதிர்வீச்சு அல்லது காற்று மாசுபாட்டின் காரணமாக உடலில் உருவாகிறது

2. நோய் எதிர்ப்பு சக்தி பூஸ்டர்: இது நோய் எதிர்ப்பு சக்தியை வலுப்படுத்த உதவும். இது சளி மற்றும் இருமலைத் தணிப்பதற்கும், தொற்றுநோய்களை எதிர்த்துப் போராடுவதற்கும் அறியப்படுகிறது

3. வளர்ச்சி மற்றும் குணப்படுத்துவதற்கு: கொலாஜன், தசைகள் மற்றும் குருத்தெலும்பு உருவாவதற்கு வைட்டமின் சி தேவைப்படுகிறது, எனவே இது காயங்களை குணப்படுத்துவதை ஊக்குவிக்கும் மற்றும் உங்கள் குழந்தையின் பற்கள் மற்றும் ஈறுகளை ஆரோக்கியமாக வைத்திருக்க உதவும்

4. இரும்புச் சத்தை உறிஞ்சுவதற்கு: உடலில் இரும்பு உறிஞ்சப்படுவதற்கு வைட்டமின் சி அவசியம், இது உங்கள் குழந்தைகளுக்கு மிகவும் அவசியமானது. குழந்தைகளுக்கு இரும்பு சத்து அவசியம் தேவை.

என் குழந்தைக்கு எவ்வளவு வைட்டமின்-சி தேவைப்படுகிறது?

வைட்டமின் சி பரிந்துரைக்கப்பட்ட உணவு கொடுப்பளவு (ஆர்.டி.ஏ) பின்வருமாறு:

குழந்தை வயது வைட்டமின் சி டோஸ் (மில்லி.கிராம்)

வைட்டமின் சி உள்ள சில முக்கிய பொருட்கள் யாவை?

உங்கள் குழந்தையின் உணவில் பல வண்ணமயமான காய்கறிகளையும் பழங்களையும் சேர்த்துக் கொள்ளுங்கள், அவர்களுக்கு போதுமான வைட்டமின் சி கிடைக்கிறது என்பதை உறுதிப்படுத்திக் கொள்ளுங்கள். வைட்டமின் சி அதிகம் உள்ள பழங்கள் மற்றும் காய்கறிகள் இங்கே:

• ஸ்ட்ராபெர்ரி

• சிட்ரஸ் பழங்கள் (ஆரஞ்சு, திராட்சைப்பழம், எலுமிச்சை மற்றும் சாத்துக்குடி)

• கிவி

• கொய்யாப்பழம் 

• குடைமிளகாய்

• தக்காளி

• பச்சை இலை காய்கறிகள்

• ப்ரோக்கோலி

• தர்பூசணி & முலாம்பழம்

• நெல்லிக்காய்

• காலிஃபிளவர்

• பிளாக்கரண்ட்

• செர்ரி

• பப்பாளி

வைட்டமின் சி குறைபாட்டின் விளைவுகள் என்ன?

வைட்டமின் சி குறைபாட்டின் மிகவும் பொதுவாகக் காணப்படும் விளைவுகள் இங்கே:

• ஸ்கர்வி: உங்கள் குழந்தையின் உடலில் வைட்டமின் சி அளவு குறைவாக இருந்தால், கொலாஜன் உருவாக்கம் மெதுவாகி, திசு முறிவுக்கு வழிவகுக்கும் வாய்ப்புகள் உள்ளன. இது இறுதியில் ஸ்கர்வியின் உச்சக்கட்டமாகிவிடும், இது முக்கியமாக ஈறுகள் மற்றும் காயங்களில் எளிதில் குணமடையாத இரத்தப்போக்குகளால் வகைப்படுத்தப்படுகிறது
• சளி மற்றும் தோல் பிரச்சினைகள்: மிக நீண்ட காலம் சிகிச்சையளிக்காமல் போனால், அது அடிக்கடி சளி மற்றும் இருமல், காய்ச்சல், மயக்கம் மற்றும் வலிப்புக்கு வழிவகுக்கும். இது தோல் வியாதிகளுக்கும், குறைவான கூந்தலுக்கும் கூட வழிவகுக்கும்

வைட்டமின் சி குறைபாட்டின் எந்த அறிகுறிகளை நாம் கவனிக்க வேண்டும்?

பெற்றோர்களிடையே ஒரு பொதுவான கவலை என்னவென்றால், தங்கள் குழந்தைக்கு வைட்டமின் குறைபாடு இருந்தால் அவர்கள் எவ்வாறு சொல்ல முடியும்.

வைட்டமின் சி குறைபாட்டின் எச்சரிக்கை அறிகுறிகள் யாவை என்று தெரியுமா? தொடர்ந்து படிக்கவும் ...

• உங்கள் பிள்ளை எளிதில் சோர்வடைந்து உடல் வலிகள் குறித்து அடிக்கடி புகார் கூறுவார்கள்
• அவள் எளிதில் காயமடைகிறாள், அவளுடைய உடலில் சிவப்பு தழும்புகள், நீல காயங்கள் இருப்பதை நீங்கள் கவனிக்கலாம்
• உங்கள் பிள்ளை மோசமான நோய் எதிர்ப்பு சக்தியால் பாதிக்கப்படக்கூடும், எனவே அவர்கள் அடிக்கடி நோய்வாய்ப்படுவதை நீங்கள் காணலாம்
• உங்கள் குழந்தையின் உடல் எடை குறைய ஆரம்பிக்கலாம்
• இரத்தப்போக்கு அல்லது ஈறுகளில் வீக்கம் இருப்பதை நீங்கள் கவனிக்கலாம்
• உலர்ந்த மற்றும் மெல்லிய தோல் எளிதில் வெட்டப்படலாம் விரைவாக இரத்தம் வரும் படியாக இருக்கும்
• மூக்கில் இரத்தப்போக்கு
• முடி உதிர்தல் மற்றும் பிளவான முனைகள்

எனவே அந்த ஆரஞ்சுகளை கசக்கி, அந்த ஸ்ட்ராபெர்ரிகளை வெளியே கொண்டு வந்து உங்கள் சிறியவர்கரளுக்கு ஆரோக்கியமான காலை உணவு அல்லது சிற்றுண்டியை தயாரிக்கவும். உங்கள் குழந்தையின் நோய் எதிர்ப்பு அமைப்பு சிறப்பாக செயல்பட, மேலும் அவர்களது ஒட்டுமொத்த வளர்ச்சிக்கும் உதவலாம். ஒவ்வொரு நாளும் வைட்டமின் சி தினமாக இருக்கலாம்!