मुलांच्या चेहऱ्यावर पांढरे डाग? काळजी करू नका! हे विटिलिगो नाही!

पालक म्हणून आपल्या मुलाच्या चेहऱ्यावर पांढरे डाग दिसले, की काळजी वाटणे साहजिकच आहे. अनेकदा हे डाग पाहून लोक म्हणतात की हा विटिलिगो आहे, कधी कोणी सांगतो की कॅल्शियमची कमतरता आहे, तर काही जण सांगतात की उन्हामुळे असे झाले आहे. पण प्रत्यक्षात हे बहुतेक वेळा पिटिरायसिस आल्बा नावाच्या स्थितीमुळे होते. हे डाग सामान्य आणि निरुपद्रवी असतात आणि याची भीती बाळगण्याचे कारण नाही.

पिटिरायसिस आल्बा म्हणजे काय

1. पिटिरायसिस आल्बा ही त्वचेची सौम्य स्थिती आहे.

2. त्वचेला रंग देणाऱ्या पेशींमध्ये थोडा बदल होतो.

3. त्यामुळे त्वचेला पांढरे फिकट डाग दिसतात.

4. हे डाग विशेषतः मुलांच्या चेहऱ्यावर दिसतात.

5. काही महिन्यांत हे डाग आपोआप बरे होतात.

हे डाग कुठे दिसतात

1. डाग प्रामुख्याने चेहऱ्यावर दिसतात.

2. गळा, हात, पाठीवर कधी कधी दिसू शकतात.

3. डागांचे आकार लहान किंवा मध्यम असतो.

4. काही डाग गोलसर असतात आणि काही अनियमित आकाराचे असतात.

पिटिरायसिस आल्बा का होतो

1. त्वचा कोरडी होणे.

2. उन्हात जास्त वेळ राहणे.

3. त्वचेला खाज येणे आणि खाजवल्यामुळे होणारे बदल.

4. त्वचा स्वच्छ न ठेवणे.

5. हार्मोनल बदल.

6. त्वचेवर लहान जंतुसंसर्ग होणे.

पिटिरायसिस आल्बा ओळखण्याची लक्षणे

1. त्वचेवर फिकट पांढरे डाग दिसणे.

2. डागांवर थोडे खवले पडलेले दिसणे.

3. डाग कोरडे आणि किंचित खरखरीत वाटणे.

4. डागांभोवती त्वचा सामान्य रंगाची असणे.

5. डागांवर सहसा खाज येत नाही.

पिटिरायसिस आल्बा वर उपाय

हे डाग आपोआप बरे होतात पण त्वचेला चांगली काळजी दिल्यास बरे होण्यास मदत होते.

1. मॉइश्चरायझर वापरणे

• सकाळी एकदा आणि रात्री एकदा त्वचेला मॉइश्चरायझर लावावे.

• मॉइश्चरायझरमुळे त्वचा मऊ होते आणि डाग लवकर कमी होतात.

2. सौम्य साबण वापरणे

• अंघोळीला सौम्य साबण वापरावा.
• गरम पाण्याने अंघोळ टाळावी.
• सुगंधरहित व सौम्य साबण त्वचेसाठी चांगला असतो.

3. सूर्यप्रकाशापासून त्वचेला वाचवणे

• उन्हात बाहेर जाताना मुलाच्या चेहऱ्यावर सनस्क्रीन लावावे.

• शाळेत जाणाऱ्या मुलांनी टोपी घालावी.

• काही चांगले सनस्क्रीन

4. पुरेशी स्वच्छता ठेवणे

• चेहरा रोज दोन वेळा स्वच्छ पाण्याने धुवावा.

• घाम आणि धुळ जमा होऊ देऊ नका.

5. पाणी भरपूर पिणे

• मुलांनी पाणी भरपूर प्यावे म्हणजे त्वचा आतून आरोग्यपूर्ण राहते.

पिटिरायसिस आल्बा आणि विटिलिगो यामधील फरक

1. डागांचा रंग
पिटिरायसिस आल्बा मध्ये डाग फिकट पांढरे दिसतात.
विटिलिगो मध्ये डाग ठळक पांढरे दिसतात.

2. डागांची कडा
पिटिरायसिस आल्बा मध्ये डागांची कडा स्पष्ट नसते.
विटिलिगो मध्ये डागांची कडा ठळक आणि स्पष्ट दिसते.

3. डागाचा स्पर्श
पिटिरायसिस आल्बा मध्ये डागांवर थोडे खवले असतात आणि डाग किंचित खरखरीत वाटतो.
विटिलिगो मध्ये डाग गुळगुळीत आणि सपाट असतो.

4. बरे होण्याची पद्धत
पिटिरायसिस आल्बा मध्ये डाग हळूहळू आपोआप बरे होतो.
विटिलिगो मध्ये डाग स्वतःहून बरे होत नाही, त्यासाठी उपचार आवश्यक असतात.

5. कारण
पिटिरायसिस आल्बा मुख्यतः कोरड्या त्वचेमुळे होतो.
विटिलिगो शरीरातील रोगप्रतिकारक पेशींच्या चुकीच्या क्रियेने होतो

कधी डॉक्टरांचा सल्ला घ्यावा

1. डाग वाढू लागले असतील.

2. नवीन डाग दिसू लागले असतील.

3. डागांभोवती खाज किंवा जळजळ होत असेल.

4. 6 महिन्यांनंतरही डाग बरे होत नसतील.

5. डाग ठळक आणि गुळगुळीत होत असतील.

पालकांचे सामान्य प्रश्न आणि उत्तरे

प्रश्न 1: माझ्या मुलाला डागांवर काही लावू देत नाही, मी काय करू?
उत्तर: मुलाला खेळताना किंवा झोपताना मॉइश्चरायझर लावा. गोष्टी सांगत किंवा गाणी म्हणत लावल्यास मुलगा किंवा मुलगी विरोध करत नाही.

प्रश्न 2: 13 वर्षांच्या मुलीसाठी कोणते मॉइश्चरायझर चांगले आहे?
उत्तर: सेटाॅफिल डॅम डेली ॲडव्हान्स किंवा बायोडर्मा ॲटोडर्म हे उत्तम पर्याय आहेत.

प्रश्न 3: 9 ते 10 वर्षांच्या मुलांसाठी कोणते सनस्क्रीन चांगले आहे?
उत्तर: सेबामेड बेबी सन लोशन किंवा बायोडर्मा फोटो डर्म किड सुरक्षित आहे.

प्रश्न 4: विटिलिगो बरे होतो का?
उत्तर: विटिलिगो दीर्घकालीन स्थिती आहे. त्वचारोग तज्ज्ञांच्या सल्ल्याने योग्य उपचार घेतल्यास डाग कमी होऊ शकतात.

प्रश्न 5: 4 वर्षांच्या मुलाला सनस्क्रीन लावता येईल का?
उत्तर: हो, मुलांसाठी खास तयार केलेले सनस्क्रीन लावता येते.

पिटिरायसिस आल्बा ही स्थिती सामान्य आहे आणि घाबरण्याचे कारण नाही. योग्य काळजी घेतल्यास आणि मॉइश्चरायझर तसेच सनस्क्रीन वापरल्यास ही स्थिती आपोआप बरी होते. विटिलिगो असल्यास त्वचारोग तज्ज्ञांचा सल्ला घ्यावा. मुलाच्या त्वचेची नियमित निगा राखणे महत्त्वाचे आहे.