மலேரியா நோயால் ஆண்டு தோறும் பல லட்சம் பேர் இறக்கின்றனர். இந்த நோய் தீவிரமான மற்றும் அபாயகரமான விளைவுகளை ஏற்படுத்தும். மலேரியா காய்ச்சலால் இறந்து போகும் குழந்தைகளில் அதிகமானோர் ஆப்ரிக்கா நாட்டை சேர்ந்தவர்கள். இப்போது உலகின் முதல் மலேரியா தடுப்பூசிக்கு உலக சுகாதார நிறுவனம் ஒப்புதல் வழங்கியுள்ளது. WHO ஆல் அங்கீகரிக்கப்பட்ட உலகின் முதல் மலேரியா தடுப்பூசி இது.

மழைக்காலத்தில் அதிகம் பரவக்கூடிய இந்த மலேரியா நோய்க்கு இப்போது உலக சுகாதார நிறுவனம் RTS, S/AS01 மலேரியா தடுப்பூசிக்கு ஒப்புதல் அளித்துள்ளதால் மலேரியாவால் ஏற்படும் இறப்புகளை தடுக்க முடியும் என்ற நம்பிக்கை பிறந்துள்ளது.

மலேரியா நோய் எப்படி பரவுகிறது?

மலேரியா என்பது கொசுக்கடி மூலம் பரவும் ஒரு ஒட்டுண்ணி. அனோபிலஸ் (Anopheles) என்ற கொசு வகையால் மலேரியாவைப் பெறுவார்கள். அனோபிலஸ் கொசுக்களால் மட்டுமே மலேரியாவை பரப்ப முடியும். அதாவது பாதிக்கப்பட்ட நபரிடமிருந்து எடுக்கப்பட்ட முந்தைய இரத்த உணவின் மூலம் அடுத்தவருக்கு பரப்புகிறது. பாதிக்கப்பட்ட நபரை ஒரு கொசு கடிக்கும் போது, ஒரு சிறிய அளவு இரத்தம் எடுக்கப்படுகிறது, அதில் நுண்ணிய மலேரியா ஒட்டுண்ணிகள் உள்ளன. சுமார் 1 வாரம் கழித்து, கொசு அதன் அடுத்த இரத்த உணவை எடுக்கும்போது, இந்த ஒட்டுண்ணிகள் கொசுவின் உமிழ்நீருடன் கலந்து, கடித்த நபருக்கு செலுத்தப்படுகின்றன.

இந்தக் கிருமிகள் ஒரு வாரம் வரை கல்லீரலில் தங்கி, கோடிக்கணக்கில் பெருகும். பிறகு அங்கிருந்து ரத்தத்துக்கு வந்து ரத்தச் சிவப்பணுக்களை அழிப்பதால் மலேரியா காய்ச்சல் வரும். மலேரியா தாயிடமிருந்து பிறக்கும் குழந்தைக்கு பிரசவத்திற்கு முன்போ அல்லது பிறக்கும்போதோ ("பிறவி" மலேரியா) பரவும்.

நான்கு வகை மலேரியா காய்ச்சல்

பிளாஸ்மோடியம் வைவாக்ஸ் (Plasmodium vivax) , பிளாஸ்மோடியம் ஓவேல் (Plasmodium ovale), பிளாஸ்மோடியம் மலேரியா (Plasmodium malariae), பிளாஸ்மோடியம் பால்சி பாரம் (Plasmodium falciparum) போன்ற நான்கு வகையான மலேரியா காய்ச்சல் உள்ளன. இதில், பிளாஸ்மோடியம் வைவாக்ஸ் பாதிப்பினால் ஏற்படும் காய்ச்சலே பரவலாகக் காணப்படுகிறது

<div style="padding:56.25% 0 0 0;position:relative;"><iframe src="https://player.vimeo.com/video/703761778?h=efd135b772&badge=0&autopause=0&player_id=0&app_id=58479/embed" allow="autoplay; fullscreen; picture-in-picture" allowfullscreen frameborder="0" style="position:absolute;top:0;left:0;width:100%;height:100%;"></iframe></div>

மலேரியா காய்ச்சல் அறிகுறிகள்

மலேரியா சில நேரங்களில் லேசான அறிகுறிகளோடு வந்துவிட்டு குணமடையும். மலேரியா தாக்குதல் 6-10 மணி நேரம் நீடிக்கும். இது மூன்று நிலைகளை கொண்டுள்ளது

• முதலில் குளிர் நிலை -  குளிர், நடுக்கம் இருக்கும்
• இரண்டாவது சூடான நிலை - காய்ச்சல், தலைவலி, வாந்தி; சிறு குழந்தைகளில் வலிப்பு); மற்றும்
• இறுதியாக  வியர்வை நிலை - வியர்க்கும், சாதாரண வெப்பநிலைக்கு திரும்புதல், சோர்வு.

பொதுவாக, மலேரியாவால் பாதிக்கப்பட்டவர்கள் பின்வரும் அறிகுறிகளின் கலவையை கொண்டிருப்பார்கள்

• காய்ச்சல்
• குளிர், நடுக்கம்
• வியர்வை
• தலைவலி
• குமட்டல் மற்றும் வாந்தி
• உடல் வலிகள்
• பொதுவான உடல்நலக்குறைவு

மலேரியாவின் வழக்குகள் அரிதாக இருக்கும் நாடுகளில், இந்த அறிகுறிகள் இன்ஃப்ளூயன்ஸா, சளி அல்லது பிற பொதுவான நோய்த்தொற்றுகளுக்கு காரணமாக இருக்கலாம். மாறாக, மலேரியா அடிக்கடி வரும் நாடுகளில், பெரும்பாலும் அறிகுறிகளை மலேரியாவாக அங்கீகரித்து, நோயறிதல் உறுதிப்படுத்தப்படும்

மேலும் சில அறிகுறிகள் பின்வருமாறு:

• உயர்ந்த வெப்பநிலை
• வியர்வை
• பலவீனம்
• விரிவாக்கப்பட்ட மண்ணீரல்
• லேசான மஞ்சள் காமாலை
• கல்லீரலின் விரிவாக்கம்
• சுவாசம் அதிகரித்தல்

மலேரியா திவிரமான நிலையை அடைந்தால் தோன்றும் அறிகுறிகள்

• பெருமூளை மலேரியா, அசாதாரண நடத்தை, நினைகளை இழப்பது, வலிப்புத்தாக்கங்கள், கோமா அல்லது பிற நரம்பியல் பிரச்சனைகள்
• ஹீமோலிசிஸ் (இரத்த சிவப்பணுக்களின் அழிவு) காரணமாக கடுமையான இரத்த சோகை
• ஹீமோகுளோபினூரியா (சிறுநீரில் ஹீமோகுளோபின்) ஹீமோலிசிஸ் காரணமாக கடுமையான சுவாசக் கோளாறு நோய்க்குறி (ARDS), ஆக்ஸிஜன் பரிமாற்றத்தைத் தடுக்கும் நுரையீரலில் ஏற்படும் அழற்சி எதிர்விளைவு, சிகிச்சைக்கு பதில் ஒட்டுண்ணிகளின் எண்ணிக்கை குறைந்த பிறகும் ஏற்படலாம்
• இருதயச் சிதைவால் ஏற்படும் குறைந்த இரத்த அழுத்தம்
• கடுமையான சிறுநீரக காயம்
• ஹைபர்பராசைடீமியா, 5% க்கும் அதிகமான சிவப்பு இரத்த அணுக்கள் மலேரியா ஒட்டுண்ணிகளால் பாதிக்கப்படுகின்றன
• வளர்சிதை மாற்ற அமிலத்தன்மை (இரத்தம் மற்றும் திசு திரவங்களில் அதிக அமிலத்தன்மை),
• இரத்தச் சர்க்கரைக் குறைவு (குறைந்த இரத்த குளுக்கோஸ்).
• கடுமையான மலேரியா ஒரு மருத்துவ அவசரநிலையாகவும் தீவிரமாகவும் சிகிச்சை அளிக்கப்பட வேண்டும்.

உலகின் முதல் மலேரியா தடுப்பூசி பற்றிய தகவல்கள்

ஒவ்வொரு இரண்டு நிமிடங்களுக்கும், ஒரு குழந்தை மலேரியாவால் இறக்கிறது என்று உலக சுகாதார நிறுவனம் தெரிவித்துள்ளது.

உலக சுகாதார நிறுவனம் RTS, S/AS01 மலேரியா தடுப்பூசிக்கு ஒப்புதல் அளித்துள்ளதால். மலேரியா தடுப்பூசி செலுத்தும் பணி பரிசோதனை 2019 ஆண்டு ஆப்பிரிக்காவின் கானா, கென்யா, மலாவி போன்ற நாடுகளில் அமல்படுத்தப்பட்டது. 2 மில்லியன் டோஸ் இதுவரை வழங்கப்பட்டுள்ளது.

இரண்டு ஆண்டுகளாக இந்த தடுப்பூசி செலுத்தும் பரிசோதனை ஆப்பிரிக்க நாடுகளில் நடந்து வந்ததில் நல்ல பலன் கிடைத்துள்ளது. இதனை அடிப்படையாக கொண்டே உலக சுகாதார நிறுவனம் உலகம் முழுக்க பரிந்துரை செய்ய அனுதி வழங்கியுள்ளது. GSK மருந்து நிறுவனம் இந்த தடுப்பூசியை தயாரித்துள்ளது.

தடுப்பூசி பிளாஸ்மோடியம் ஃபால்சிபாரத்திற்கு எதிராக செயல்படுகிறது - ஐந்து மலேரியா ஒட்டுண்ணி இனங்களில் ஒன்று மற்றும் மிகவும் கொடியது. தடுப்பூசி பைலட்டின் கண்டுபிடிப்புகள் "கடுமையான மலேரியாவை 30 சதவிகிதம் கணிசமாகக் குறைக்கிறது" என்று WHO இன் தடுப்பூசிகள் மற்றும் உயிரியல் துறையின் இயக்குனர் கேட் ஓ பிரையன் கூறினார்.

இந்தியாவில் இன்னும் அனுமதி வழங்கப்படவில்லை. கூடிய விரைவில் அனுமதி கிடைத்துவிடும்.

தடுப்பூசி எத்தனை டோஸ் எடுக்க வேண்டும்?

துணை-சஹாரா ஆப்பிரிக்காவிலும், மிதமான மற்றும் அதிக மலேரியா பரவும் பிற பிராந்தியங்களிலும் உள்ள குழந்தைகளுக்கு இரண்டு வயது வரை நான்கு டோஸ் எடுக்க பரிந்துரைக்கப்படுவதாக WHO தெரிவித்துள்ளது.

மலேரியா தடுப்பூசியை எளிமையாக எங்கும் கொண்டு சேர்க்க முடியும்

வைரஸ்கள் மற்றும் பாக்டீரியாக்களுக்கு எதிராக பல தடுப்பூசிகள் உள்ளன, ஆனால் மனித ஒட்டுண்ணிக்கு எதிரான தடுப்பூசியை பரவலாகப் பயன்படுத்த WHO பரிந்துரைத்தது இதுவே முதல் முறை. எம்ஆர்என்ஏ தொழில்நுட்பத்தைக் கொண்டு (mRNA technology) உருவாக்கப்பட்டுள்ள இந்த தடுப்பூசி அறிவியல் ஆராய்ச்சியில் கிடைத்த மாபெரும் வெற்றியாக கருதப்படுகிறது.

இந்த தடுப்பூசியை எல்லா நிலையில் உள்ள மக்களுக்கும் எளிதாக கொண்டும் சேர்க்க முடியும். அதாவது கொசுவலை வாங்கி போட்டுக் கொண்டு தூங்க முடியாமல் வறுமையில் இருக்கும் குழந்தைகளுக்கும்  இந்தத் தடுப்பூசியைக் கொண்டு சேர்த்துள்ளோம் என்கிறார் உலக சுகாதார மைய தொற்றுநோய் தடுப்பு, தடுப்பூசி மற்றும் உயிரி ஆராய்ச்சிகள் துறை இயக்குநர் கேட் ஓ பிரெய்ன்.

இந்தப் பதிவு உங்களுக்கு பிடித்திருந்தால் உங்கள் நண்பர்களோடு பகிரவும். உங்கள் ஒவ்வொருடைய கருத்துக்களும் எங்கள் அடுத்த பதிவை சிறப்பாக்கும். உங்களுக்கு தொடர்ந்து பயனுள்ள பதிவுகளை வழங்க உங்கள் கருத்துக்கள் மூலம் ஊக்கப்படுத்தவும்.